Usta cüdoçular arasında keçirilən Avropa çempionatında şəhərimizin daha bir idmançısı fəxri kürsüyə yüksəlib. Sumqayıt24 bu haqda bu gün, 6 iyun tarixində Fhn.gov.az-a istinadən xəbər verir.
Belə ki, M-1 kateqoriyasında, 73 kq çəki dərəcəsində çıxış edən Kiçikhəcmli Gəmilərə Nəzarət və Sularda Xilasetmə Dövlət Xidmətinin Corat xilasetmə məntəqəsinin rəisi, daxili xidmət çavuşu Vüqar Babayev gümüş medala layiq görülüb.
Qeyd edək ki, Yunanıstanın Heraklion şəhərində baş tutan yarışda 30 ölkədən 250-dən çox idmançı mübarizə aparıb.
