Sumqayıtda “Sağlam həyat” devizi altında tədbir keçirilib. Bu barədə 8 oktyabr tarixində şəhər Gənclər və İdman Baş İdarəsinə istinadən xəbər veririk.
İdman tədbiri Corat qəsəbəsinin Sülh küçəsindəki Mərkəzi parkda baş tutub. Cüdo idman növü üzrə keçirilən tədbirdə iştirak edən idmançılar şəhər sakinlərinə sözügedən idman növünün müxtəlif texnikalarını nümayiş etdiriblər.
Tədbirin keçirilməsində əsas məqsəd yeniyetmələrin və gənclərin idmana marağının artırılması, onların asudə vaxtlarının səmərəli təşkilidir.
