Sumqayıtda kəmər dərəcələri üzrə rəsmi imtahan keçiriləcək.
Sumqayit24.az xəbər verir ki, bu barədə Azərbaycan Cüdo Federasiyası (ACF) məlumat yayıb.
İmtahan dekabrın 21-də Sumqayıt Cüdo Təlim Mərkəzində baş tutacaq. Cüdo ilə məşğul olan 7 yaş və yuxarı olan hər kəs imtahanda iştirak edə bilər. Kəmər seçimi müvafiq yaş uyğunluğuna əsasən aparılacaq.
İmtahanı uğurla keçənlərə federasiya tərəfindən müvafiq kəmər və sertifikat veriləcək.
Qeyd edək ki, kəmər imtahanı peşəkarlıq səviyyənin qiymətləndirilməsi və rəsmi olaraq tanınması, həmçinin gələcəkdə nüfuzlu daxili yarışlarda iştirak üçün zəruridir.
Qeydiyyatla bağlı daha ətraflı məlumat (050) 467 55 04 nömrəsi ilə əldə etmək mümkündür.
