Sumqayıtlı gənc cüdoçular Azərbaycan birinciliyində iştirak edəcək. Bu haqda Cüdo Federasiyasının yaydığı məlumata əsasən yazırıq.
Yarış 25-27 fevral tarixlərində Bakı şəhəri, Hövsan qəsəbəsində yerləşən FHN-nin İdman Sağlamlıq Mərkəzində keçiriləcək. Gənclər və İdman Nazirliyinin və Cüdo Federasiyasının birgə təşkil etdiyi birincilikdə U-21 gənclər mübarizə aparacaq.
Burada Sumqayıt, Bakı və ölkənin müxtəlif regionlarından 300-ə yaxın idmançı medallar uğrunda yarışacaqlar.
Qeyd edək ki, yarışda 2002-2004-cü il təvəllüdlü idmançılar iştirak edəcəklər. Məqsəd isə perspektivli idmançıları müəyyən edərək, onları yığma komandaya cəlb etməkdir.
