“Sumqayıt” futbol klubunun təşkilatçılığı ilə daun sindromlu uşaqlar üçün futbol tədbiri təşkil olunub.
Sumqayit24.az xəbər verir ki, Azərbaycan Premyer Liqasının XXXII turu çərçivəsində keçirilən “Sumqayıt” – “Neftçi” oyunundan öncə daun sindromlu uşaqlar arasında dostluq matçı keçirilib.
Hər iki komandanın futbolçuları oyundan öncə meydana üzərində “Fərqli deyil, xüsusiyik!” yazısı ilə çıxıblar. Həmçinin yoldaşlıq oyununda və qarşılaşmanın startı ərəfəsində futbolçuları müşayiət edən uşaqlar da meydana üzərində sözügedən şüarı əks etdirən formalar ilə daxil olublar. Sonra uşaqlara hədiyyələr təqdim edilib.
Uşaqlar valideynləri ilə birgə “Sumqayıt” və “Neftçi” futbol klublarının qarşılaşmasını izləyiblər.
