Azərbaycan millisinin futbolçusu Emil Mustafayevin "Sumqayıt"a keçidi hələ ki reallaşmayıb.
Apasport.az-ın məlumatına görə, 24 yaşlı futbolçu "Sumqayıt"da oynamağa razı olsa da, çıxışı alınmayıb və Azərbaycana gələ bilməyib. Mustafayev bu səbəbdən Ukraynada, "Polessye" klubunda qalmalı olub.
Onun Ukrayna klubu ilə müqaviləsinin müddəti 2027-ci il iyunun 30-na qədərdir.
Mənbənin məlumatına görə, futbolçunun klubu ilə qışda yenidən təmasa keçiləcək və keçidin baş tutması üçün "Sumqayıt" tərəfindən növbəti dəfə təklif göndəriləcək.
