Fərid Nəbiyevin “Sumqayıt”a keçidi baş tutmayıb.
Sportinfo.az-ın məlumatına əsasən, “Səbail”dən ayrılan yarımmüdafiəçi maliyyə məsələlərinə görə fərqli seçim edib.
Fərid sumqayıtlılarla ilkin razılıq əldə etmiş və aylıq 5 min manata 1 illik müqaviləni razılaşdırmışdı. Lakin imza ərəfəsində ortaya çıxan yeni variant vəziyyəti dəyişib.
Vaxtilə Çexiyada “Slaviya“nın formasını geyinmiş “Qəbələ“nin yetirməsi “Kəpəz“lə sövdələşib.
Halbuki I Liqaya yüksələn “Şəfa”nın Nəbiyevin fikrini dəyişdirdiyi söylənilirdi. Qeyd olunurdu ki, Premyer Liqaya yüksəlməyi hədəfləyən sözügedən klub 8 min manat maaş təklif etməklə yarımmüdafiəçini düşərgəsinə qatıb.
Fərid karyerasını və elitanı puldan üstün tutub və 2 il əvvəl ayrıldığı Gəncəyə qayıdıb.
