FIFA referisi Rəhim Həsənov “Qarabağ” - “Sumqayıt” matçındakı epizoddan danışıb. Sumqayıt24 bu barədə Report.az-a istinadən xəbər verir.
Premyer Liqanın 10-cu tur oyununun 15-ci dəqiqəsində Ağdamlıların oyunçusu Filip Ozobiç futbolçumuz Almir Aqanspahiça qarşı kobudluq edib. Rəhim Həsənov bunun ciddi qayda pozuntusu olduğunu və yarımmüdafiəçinin rəqibin sağlamlığına məhəl qoymadığını bildirib.
O qeyd edib ki, “Qarabağ”ın oyunçusu topa deyil, rəqibin istiqamətində sürətlə tullanaraq onun baldır nahiyəsinə, qorunmayan hissəsinə şiplərlə (idman ayaqqabısının altındakı dişlər - red.) vurur. Bu isə qırmızı vərəqə deməkdir:
“O halda sarı vərəqə olardı ki, futbolçu ilk olaraq topa sonra rəqibə toxunardı”.
İlk qolu “kimyaçılar” vursa da, qarşılaşma “Qarabağ”ın 3:1 hesablı qələbəsi ilə başa çatıb.
