“Sumqayıt” klubunun 6 futbolçusu milli komandalara dəvət alıb. Bu barədə 10 oktyabr tarixində Sumqayıt24 xəbər verir.
15 yaşadək futbolçulardan ibarət yığmanın heyətində İlkin Qocayev, Murad Cabbarov və İlkin Həzizadə yer alıblar. Onlar oktyabrın 17-dək Qəbələ şəhərində təlim-məşq toplanışında olacaqlar.
Digər təmsilçilərimiz Nihad Əhmədzadə, Hüseyn Hüseynli və Sənan Muradlı isə U-17 yığması ilə Bakı şəhərində baş tutacaq toplanışa qatılacaqlar. Toplanış oktyabrın 13-dən 20-dək davam edəcək. Daha sonra futbolçular Bosniyanın Zenitsa şəhərində UEFA Avropa seçmə mərhələsində mübarizə aparacaqlar.
