"Sumqayıt" FK-nın futbolçuları milli komandaya dəvət alıb. Bu haqda bu gün, 6 may tarixində klubun sosial şəbəkəsinə istinadən xəbər veririk.
Məlumata əsasən, UEFA-nın İnkişaf turnirinə Kənan Feyziyev və Nihad Əhmədzadə dəvət alıblar. 17 yaşadək futbolçulardan ibarət Azərbaycan milli komandası Gürcüstanda təşkil ediləcək yarışda çıxış edəcək.
Turnir mayın 10-dan 16-dək keçiriləcək. Yarışa hazırlıq məqsədilə mayın 7-dən 10-dək Bakıda təlim-məşq toplanışı təşkil olunacaq.
