“Kapital Bank Arena” stadionunda minifutbol üzrə şəhər turniri keçirilib. Sumqayıt24 bu barədə 7 oktyabr tarixində Gənclər və İdman Baş İdarəsinə istinadən xəbər verir.
“Gənclər Narkomaniyaya Yox Deyir” devizi altında baş tutan birincilikdə şəhərdə fəaliyyət göstərən gənclər təşkilatları iştirak ediblər.
Gərgin idman mübarizəsi şəraitində keçən turnirdə Sənaye və Yüksək Texnologiyalar üzrə Sumqayıt Dövlət Peşə Təhsil Mərkəzinin “Qəbələ” komandası birinci, Gənclərin İnkişaf və Karyera Mərkəzinin “Xarı bülbül” komandası ikinci, Sənaye və Yüksək Texnologiyalar üzrə Sumqayıt Dövlət Peşə Təhsil Mərkəzinin “Sumqayıt” komandası isə üçüncü yeri tutublar.
Qalib və mükafatçılara baş idarənin Fəxri Fərman, kubok, medal və hədiyyələri təqdim edilib. [modula id="24662"]
