Şaxmatçımız Şəhriyar Məmmədyarov Azərbaycan yığmasının tərkibində onlayn olimpiadada mübarizəyə başlayıb.
Sumqayıtlı qrossmeyster Macarıstan komandası ilə keçirilən görüşdə Viktor Erdoşla üz-üzə gəlib. Nəticədə şahmatçılar 0,5:0,5 hesabı ilə razılaşıblar.
Bundan əvvəl, 2020-ci ilin avqust ayında keçirilən onlayn olimpiadada yığmamız Macarıstan komandasını 5:1 hesabı ilə məğlub etmişdir.
Ümumilikdə komandamız olimpiadaya 12 nəfər ilə qatılıb. Fransa, Moldova, Hindistan, Sloveniya, Belarus və Misir yığmalarının da olduğu qrupda ilk iki pilləni tutan komanda pley-offa vəsiqə qazanacaq.
