Sumqayıt sambo məktəbinin yetirmələri Avropa birinciliyinin üçüncüsü olublar. Bu haqda 24 aprel tarixində Sumqayıt24 şəhər Gənclər və İdman Baş İdarəsinə (GİBİ) istinadən xəbər verir.
Sambo güləşi üzrə yeniyetmələr arasında təşkil olunan yarış İsrailin Hayfa şəhərində keçirilib. Millimizin üzvləri olan idmançılarımız - Mehman Xəlilov (58 kq) və Amin İsmayılov (53 kq) yarışın bürünc medalına layiq görülüblər.
Qeyd edək ki, mükafatçıların məşqçiləri - Azərbaycan Respublikasının Əməkdar məşqçiləri İbrahim Qulamov və Sahib İsmayılovdur.
