Sumqayıt güləşçiləri “Matteo Pellikone” turnirinin qalibi olublar. Sumqayıt24 bu haqda 23 iyun tarixində Güləş Federasiyasına istinadən xəbər verir.
Yunan - Roma güləşi üzrə yarış İtaliyanın paytaxtı Romada keçirilir. 60 kq çəki dərəcəsində çıxış edən təmsilçimiz Murad Məmmədov finalda həmyerlisi Eldəniz Əzizli ilə qarşılaşıb. Görüş Muradın 9:1 hesablı qələbəsi ilə başa çatıb.
Digər pəhləvanımız, 87 kq çəki dərəcəsində mübarizə aparan İslam Abbasov final görüşündə macar Erik Silvaşi ilə üz - üzə gəlib. Nəticədə sonuncu xal prinsipinə əsasən (1:1) rəqibini üstələyən İslam qızıl medalın sahibi olub.
Beləliklə, yunan-Roma güləşçilərimiz ilk yarış günündə 4 qızıl, 2 gümüş və 2 bürünc medal qazanıb.
