AFFA İntizam Komitəsinin növbəti iclası keçirilib.
Rekord.az xəbər verir ki, iclasda Əvəzedicilər Liqasının 34-cü turunun oyunu ilə bağlı aşağıdakı qərarlar qəbul olunub:
- “Kəpəz-2” – “Sumqayıt-2” oyununda qonaq komandasında 6 nəfər sarı vərəqə aldığı üçün klub 70 manat cərimə edilib.
- “Kəpəz-2” – “Sumqayıt-2” oyununun 39-cu dəqiqəsində ev sahiblərinin 6 nömrəli futbolçusu Nemət Musayev təcavüzkar davranışa (rəqibi vurduğuna) görə birbaşa qırmızı vərəqə aldığı üçün 4 oyun cəzalanıb, “Kəpəz-2” komandası 300 manat cərimə edilib.
- “Kəpəz-2” – “Sumqayıt-2” oyununda “Kəpəz-2” komandasının azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə ilk dəfə yaşandığına görə “Kəpəz-2” komandasına xəbərdarlıq edilib.
