Premyer Liqanın son oyun günündə ən böyükhesablı qələbəni komandamız qazanıb. Sumqayıt24 bu haqda bu gün, 23 may tarixində Peşəkar Futbol Liqasının rəsmi saytına istinadən xəbər verir.
28-ci turda “Sumqayıt” “Səbail”i 5:0 hesabı ilə məğlub edib. Qollar Əli Qurbani (2), Anatoli Nuriyev, Elvin Bədəlov və Vüqar Bəybalayev tərəfindən vurulub.
“Gənclik şəhəri”nin komandası mövsümü 5 qələbə, 7 heç-heçə və 16 məğlubiyyətlə, 22 xal toplayaraq 6-cı pillədə başa vurub.
"23 futbolçunu ayrı-ayrılıqda tanımaq imkanım oldu. Kimin nəyə qadir olduğunu öyrəndim. Xallar itirsək də, futbolçuları yaxşı tanıdım. Bu da növbəti mövsüm komandanı hazırlaşdırmağıma kömək olacaq", - baş məşqçimiz Aleksey Baqa bildirib.
