Sumqayıtda idarə, müəssisə və təşkilatlar arasında kros üzrə şəhər turnirinə yekun vurulub. Bu haqda 8 may tarixində Sumqayıt24 Gənclər və İdman İdarəsinə istinadən xəbər verir.
Ümummilli lider Heydər Əliyevin anadan olmasının 100 illik yubileyinə həsr olunmuş turnir Sumqayıt bulvarında keçirilib. Burada 150-dən artıq həvəskar idmançı iştirak edib.
Maraqlı və gərgin idman mübarizəsi şəraitində keçən yarışda kişilər arasında Şahin Səfixanov birinci, Samir Cavadov ikinci, İsmət Əzimzadə isə üçüncü yerlərə layiq görülüblər. Qadınlar arasında Tünzalə Süleymanova, Zeynəb Quliyeva və Nəzrin Həsənzadə isə müvafiq olaraq I, II, III yerləri tutublar. Qaliblər medal və Fəxri Fərmanla mükafatlandırılıblar.
Yarış şəhər Gənclər və İdman Baş İdarəsinin və “Azərikimiya” İB-nin birgə təşkilatçılığı ilə baş tutub.
