Sumqayıtda əlilliyi olan gənclər arasında dama üzrə turnir keçirilib. Bu haqda Gənclər və İdman Baş İdarəsinin Facebook səhifəsinə istinadən xəbər veririk.
Yarış idarə və Gənclər evi tərəfindən "5 Mart Bədən Tərbiyəsi və İdman günü”nə həsr edilmiş idman həftəsi çərçivəsində təşkil olunub.
Qızlar arasında bu turnirin qalibi Vəfa Pirməmmədova olub. 2-ci yeri Nərmin Rzalı, 3-cü yeri isə Aynurə Əzizəliyeva tutub. Oğlanlar arasında isə Salman Həşimov, Tural Hacıyev və Ayxan Hadıyev müvafiq olaraq 1, 2 və 3-cü yerlərə layiq görülüblər.
Qalib və mükafatçılar Baş İdarənin Fəxri fərmanı, medal və hədiyyələri ilə təltif olunublar.
