Şəhriyar Məmmədyarov FIDE Qran-prisinin III mərhələsinin növbəti görüşünü heç-heçə ilə bitirib. Bu haqda bu gün, 24 mart tarixində Beynəlxalq Şahmat Federasiyasının rəsmi saytına istinadən xəbər veririk.
Məlumata əsasən, qara fiqurlarla oynayan şahmatçımız rusiyalı Daniil Dubovla üz-üzə gəlib. Qarşılaşma 26-cı gedişdə başa çatıb.
Qrossmeysterin bundan öncəki oyunu da heç-heçə ilə bitmişdir. Həmin görüşdə o, almaniyalı Vinsent Kaymer ilə qarşılaşmışdır.
Yarışma Almaniyanın paytaxtı Berlində keçirilir.
