“Sumqayıt” futbol klubunun baş məşqçisi komandanın uğursuz çıxışından söz açdı. Bu haqda Sportinfo.az-a istinadən xəbər veririk.
Belə ki, belaruslu Aleksey Baqa futbolçularla toplantı keçirib. O, neçə müddətdir ki qələbə qazana bilmədiklərini xatırladıb, onlardan toparlanmağı tələb edib:
“Mən bura hər oyundan sonra rəqib məşqçiləri təbrik etməyə gəlməmişəm. Neçə ildir məşqçiyəm, hələ belə vəziyyətə düşməyim yadıma gəlmir”.
Baqa, bura gələndə tamamilə başqa fikirdə olduğunu bildirib:
“Indi görürəm ki, yanılmışam. Bir çoxunuz “Sumqayıt” haqda düşünmür”.
Baş məşqçi onu da qeyd edib ki, “Sumqayıt”ın bəzi futbolçuları indidən növbəti mövsümün gəlişini, başqa komandaların formasını geyinməyi arzulayır:
“Sözüm onlaradır – kim istəyirsə, elə bu gün də buranı tərk edə bilər”.
