Sumqayıtın məşhur cüdo veteranları AVRO-2022-də möhtəşəm nəticə göstərib. Bu haqda Sumqayıt24 xəbər verir.
Yarış Yunanıstanın Heraklion şəhərində təşkil olunub. Nəticələrə görə, 62 yaşlı Fərhad Rəcəbli (90 kq) bütün rəqiblərini asanlıqla məğlub edərək növbəti qızıl mükafatını əldə edib. Digər təmsilçimiz Natiq Qasımov (81 kq) isə ölkəmizə bürünc medalla dönür.
Dəfələrlə Dünya və Avropa çempionatlarının qalibi olan Fərhad Rəcəbli 11 oktyabr 1959-cu ildə Qusar rayonunun Əcəxur kəndində anadan olub. 1967-ci ildə ailəsi ilə birlikdə Sumqayıta köçüb, 1971-ci ildən isə idmanla məşğul olmağa başlayıb. 37 ilə yaxındır ki, şəhərimizin gənclərinə cüdonun incəliklərini öyrədir.
