AFFA futbol üzrə milli komandanın baş məşqçisi postundan istefaya göndərilən Fernandu Santuşa təzminat ödəyib.
Qafqazinfo.az-ın məlumatına görə, bunu AFFA-nın baş katibi Cahangir Fərəcullayev deyib. Bildirilib ki, onunla müqavilədə yer alan bütün şərtlərə əməl edilib.
AFFA rəsmi şəkildə bu məbləği açıqlamasa da, əldə edilən məlumata görə, ona 1 milyon 800 min avro (3 milyon 700 min manat) təzminat ödənilib.
Xatırladaq ki, Fernandu Santuş ötən ayın 8-i istefaya göndərilib. Portuqaliyalı baş məşqçi Azərbaycan millisində qələbə qazana bilməyən ilk əcnəbi mütəxəssis kimi antirekorda imza atıb.
Yığma onun rəhbərliyi altında keçirdiyi 11 matçın 9-da məğlub olub, 2-də heç-heçə edib.
