Eşitmə məhdudiyyətlilər arasında minifutbol üzrə Respublika turnirinə yekun vurulub.
Sumqayit24.az xəbər verir ki, Lənkəranda yerləşən “Raypo” İdman-Sağlamlıq Mərkəzində təşkil edilən turnirin finalında “Sumqayıt” komandası “Gəncə”yə uduzaraq ikinci yeri tutub. “Gənclik şəhəri”nin üzvü Ümid İbrahimov isə ən yaxşı oyunçu seçilib.
Qeyd edək ki, yarış AFFA və Azərbaycan Əlillər Futbolu Federasiyasının birgə təşkilatçılığı, Sahə Futbol Federasiyasının və Azərbaycan Deflimpiya Komitəsinin dəstəyi ilə keçirilib.
