Minifutbol üzrə müəssisə, idarə və təşkilatlar arasında Sumqayıt şəhər kuboku yekunlaşıb.
Sumqayit24.az xəbər verir ki, Ümummilli Lider Heydər Əliyevin xatirəsinə həsr olunan turnirdə şəhərin müəssisə, idarə və təşkilatlarının 14 komandası qalib adı uğrunda mübarizə aparıb.
Gərgin idman mübarizəsi şəraitində davam edən yarışda Sumqayıt Futbol Klubunun komandası birinci, Abşeron-Xızı Regional Təhsil İdarəsinin komandası ikinci və “Azərişıq” ASC-nin komandası isə üçüncü yeri tutub.
Qalib və mükafatçılar Abşeron – Xızı Regional Gənclər və İdman İdarəsi tərəfindən kubok, medal və diplomla, Sumqayıt bələdiyəsi tərəfində isə qiymətli hədiyyələrlə təltif olunublar.
