Futbola qədəmlərini Sumqayıtda qoyan Nazim Süleymanovun “Alaniya" klubu ilə qazandığı çempionluq kuboku itib. Bu haqda 22 iyul tarixində Report-a istinadən xəbər veririk.
Məlumata əsasən, futbolçumuzun 1995-ci ildə Rusiyada qazandığı kubok yoxa çıxıb. “Alaniya" klubu 3 il müddətində titulu tapmağa çalışır.
Mükafatın komandanın sabiq baş məşqçisi Valeri Qazzayevdə olması ehtimal edilsə də, mütəxəssis kubokun taleyi haqda xəbərsiz olduğunu bildirib.
Nazim Süleymanov 17 fevral 1965-ci ildə Sumqayıt şəhərində anadan olub. 8-9 yaşlarından "Neftçi"nin Sumqayıtdakı akademiyasında futbolla məşğul olmağa başlayıb. O, 17 yaşında "Neftçi İSM"-in komandasında debüt edib.
Nazim Süleymanov 1991-1996-cı illərdə "Alaniya"da çıxış edib. 1995-ci ildə “Alaniya” Vladiqafqaz ilə Rusiya çempionu titulunu qazanan Nazim, eyni zamanda Rusiya çempionatında mövsümün ən sərrast futbolçusu kimi tarixə düşür.
