İdman gimnastikası üzrə Sumqayıt şəhər birinciliyi keçirilib. Sumqayıt24 bu haqda iyunun 28-i Gənclər və İdman Baş İdarəsinə istinadən xəbər verir.
Azərbaycan Respublikasının Silahlı Qüvvələri Gününə həsr olunmuş yarışda 2009-2010; 2011-2012; 2013-2014-cü il təvəllüdlü oğlanlar mübarizə aparıblar. Nəticəyə əsasən, Yusif Şərifov, Yusif Hüseynzadə, Ömər Məmmədli, Sədad Aşurlu, Qurban Mustafazadə, Miryusif Əhmədzadə, Cəsur Quliyev və Abuzər Xəlilzadə bütün rəqiblərini üstələyərək birinci yerləri tutublar.
Qalib və mükafatçılara baş idarənin Fəxri fərman və medalları təqdim olunub.
