Sumqayıtlı idmançı Avropa çempionatında bürünc medala sahib olub. Bu barədə 3 sentyabr tarixində Milli Paralimpiya Komitəsinə istinadən xəbər veririk.
İtaliyanın Kalyari şəhərində keçirilən çempionatda paracüdo idman növü üzrə milli komandanın üzvü Namiq Abbaslı (73 kq, J2) 3-cü yerə layiq görülərək bürünc medal qazanıb.
Bu gün tataminin üzərinə digər idmançımız - ikiqat paralimpiya çempionu, ikiqat dünya çempionu, “Şöhrət” ordenli əməkdar idman ustası İlham Zəkiyev çıxacaq.
Yarış sentyabrın 5-nə kimi davam edəcək.
