“Qarabağ” - “Kopenhagen” matçının hakim təyinatları açıqlanıb.
Sumqayit24.az xəbər verir ki, UEFA Çempionlar Liqasının əsas mərhələsinin II turunda "Qarabağ” Danimarkanın "Kopenhagen” komandasını qəbul edəcək. Qarşılaşma Niderlanddan olan hakimlər briqadasına tapşırılıb.
Matçın baş hakimi Sərdar Gözüböyük olacaq. Ona yan xətt hakimləri Ervin Zeynstra və Patrik İniya kömək edəcəklər. Dördüncü hakim funksiyasını Yannik Van Der Laan yerinə yetirəcək. VAR hakimi Yerun Manşot, köməkçisi Rob Diperink olacaq.
Qeyd edək ki, oktyabrın 1-də Tofiq Bəhramov adına Respublika Stadionunda keçiriləcək görüş saat 20:45-də başlayacaq.
