“Sumqayıt”ın qızlar komandası “Neftçi”ni yenib. Sumqayıt24 bu haqda 1 may tarixində xəbər verir.
Yüksək Qızlar Liqasında növbəti oyunlar keçirilib. “Sumqayıt” klubu rəqibini “Kapital Bank Arena”nın ehtiyat meydançasında qəbul edib. Komandamızın yeganə, həm də qələbə qolunu Aliyə Dövlətli vurub.
Qeyd edək ki, “Sumqayıt” keçirdiyi 17 görüşün heç birində məğlubiyyət üzü görməyib (13 qələbə, 4 heç-heçə). Hücumçumuz Şəfəq Nəsirova isə 64 qolla çempionatın bombardiridir.
