Rafael Ağayev "Karate Combat" üzrə hədəflərini açıqlayıb. Sumqayıt24 bu haqda “Qəbələ” İdman Klubuna istinadən xəbər verir.
Sumqayıtlı karateçi aprel və ya mayda ABŞ idmançısı Coşua Kvayhagen ilə döyüşə çıxmalı, kəməri qorumalı olduğunu bilidirib. Qarşılaşma hərəsi 3 dəqiqə davam edən 5 raunddan ibarət olacaq:
"Həmin döyüşə hazırlaşacağam. Hər hansı zədə və ya başqa problem olmasa, aprel, ya mayda döyüşə qatılacağam".
Həmçinin Rafael Ağayev Tokio-2020 Yay Olimpiya Oyunlarının finalında uduzduğu italiyalı Luici Busa ilə döyüşmək istəyir:
"Amma onunla “Karate Combat”da üz-üzə gələrdim. Bunu həddindən artıq istəyirəm".
