"Sumqayıt"ı qəbul edəcək "Sabah"ın baş məşqçisi Valdas Dambrauskas 5 futbolçunun xidmətindən faydalana bilməyəcək.
Bunu Fanat.az-a açıqlamasında "bayquşlar"ın sözçüsü Elnur Həmidov deyib:
"Cəzalı futbolçumuz yoxdur. Cesse Sekidika, Nyeqoş Kupusoviç, Aleksey İsayev, Zinəddin ud Xaled və Boyan Letiç zədə səbəbindən "Sumqayıt"a qarşı oynamayacaqlar".
Qeyd edək ki, Misli Premyer Liqasının (MPL) 6-cı turunun "Sabah" - "Sumqayıt" qarşılaşması sentyabrın 28-da keçiriləcək. "Bank Respublika Arena" baş tutacaq görüşün start fiti 19:00-da səsləndiriləcək.
