Yeni mövsümə hazırlaşan "Sumqayıt"da daha bir futbolçunun taleyinə aydınlıq gətirilib.
Sumqayit24.az xəbər verir ki, Səbuhi Abdullazadə ilə uzun sürən danışıqlar müsbət nəticə verib. 23 yaşlı yarımmüdafiəçi qarşıdakı mövsümdə də "kimyaçılar"ın şərəfini qoruyacaq.
"Sumqayıt" öz yetirməsini razı salmaq üçün əlavə xərcə düşməli olub. İlk olaraq Abdullazadəyə aylıq 10 min manat təklif edilib. Lakin futbolçu klubun istəyini geri çevirib, daha çox qazanmaq istədiyini açıq şəkildə bildirib.
Uzun götür-qoydan sonra klub qiymət artımı etməyə məcbur olub. Nəticədə rəhbərlik əməkhaqqını 12 min manata qaldırıb. Səbuhi bu qiymətə razı olub.
Xatırladaq ki, Azərbaycan millisinin üzvü karyerası ərzində yalnız “Sumqayıt”da çıxış edib.
O, yetirməsi olduğu komandada meydana çıxdığı 171 oyunda 6 qol, 17 məhsuldar ötürmə ilə yadda qalıb.
