Sumqayıtda şahmat həlletməsi üzrə 41-ci Azərbaycan çempionatı başa çatıb. Bu haqda bu gün, 20 iyun tarixində AZƏRTAC- a istinadən xəbər veririk.
Yarışda 10 şəhərdən 35 şahmatçı mübarizə aparıb. Gəncə şahmatçısı Amil Abbasov 70 xal toplayaraq 13-cü dəfə Azərbaycan çempionu olub. Araz Alməmmədov 67 xalla gümüş, Rəvan Əliyev isə 51,5 xalla bürünc medal qazanıblar.
Qadınlar arasında Ləman Hacıyeva çempion adına layiq görülüb. 2-ci yerdə Nərminə Ruzicəng (27,5 xal), 3-cü pillədə isə 20 xalla Aydan Hüseynzadə qərarlaşıblar.
Daha üç nominasiyada – veteranlar arasında Aqşin Məsimov (+60), gənclərin yarışında Murad İsmayılov (18 yaşa kimi), yeniyetmələrin turnirində isə Elnur Səfərəliyev (12 yaşa kimi) birinci yeri tutublar.
Qaliblər pul mükafatları, medallar, Fəxri fərmanlarla mükafatlandırılıblar.
