Sumqayıtda şahmat üzrə şəhər çempionatı başa çatıb. Bu barədə 8 oktyabr tarixində Gənclər və İdman Baş İdarəsinə istinadən xəbər veririk.
27 Sentyabr - Anım Gününə həsr edilmiş şahmat üzrə kişi və qadınlar arasında keçirilən turnir 2 nömrəli Uşaq-Gənclər İdman-Şahmat məktəbində baş tutub. Çempionatda 65 nəfərdən artıq şahmatçı qalib adı uğrunda mübarizə aparıb.
Maraqlı idman mübarizəsi şəraitində keçən yarışda Aytac Kərimli qadınlar, Ceyhun Hüseynzadə isə kişilər arasında bütün rəqiblərinə qalib gələrək fəxri kürsünün ən yüksək pilləsinə qalxıblar. Yarışın qalib və mükafatçıları Gənclər və İdman Baş İdarəsinin Fəxri Fərman, medal və hədiyyələri ilə təltif olunublar.
