Tanınmış şahmatçımız “Chessable Masters” yarışına qatılır. Sumqayıt24 bu haqda turnirin saytına istinadən xəbər verir.
Mayın 19-da onlayn formatda start götürəcək birincilikdə Şəhriyar Məmmədyarovun 15 rəqibi olacaq. Onlar - Maqnus Karlsen, Tari Aryan (Norveç), Vey Yu, Dinq Liren (Çin), Samuel Şenkland, Mişra Abhimanyu (ABŞ), David Guizarro (İspaniya), Rameşbabu Praqnanandha, Pentala Harikrişna, Qucarati (Hindistan), Cons Gevane (İngiltərə), Yorden Van Forrest, Aniş Giri (Niderland), Niels Qrandelius (İsveç) və Erik Hansendir (Kanada).
Yekun nəticədə, 8 ən güclü şahmatçı nokaut sistemi üzrə keçiriləcək növbəti mərhələyə vəsiqə qazanacaq. Turnir mayın 26-dək davam edəcək.
