Sumqayıtlı şahmatçı beynəlxalq turnirin ilk gününü 4 qarşılaşma ilə başa vurub. Bu barədə 15 oktyabr tarixində Sumqayıt24 xəbər verir.
"Meltwater Champions Chess Tour" onlayn şahmat seriyasının səkkizinci mərhələsi olan “Aimchess Rapid” turnirində mübarizə aparan qrosmeysterimiz Şəhriyar Məmmədyarov ilk görüşündə norveçli Maqnus Karlsenə qalib gəlib. İkinci matçda polşalı Yan-Kşiştof Duda ilə üz-üzə gələn qrosmeyster 71-ci gedişdə məğlubiyyətlə barışıb. Məmmədyarov üçüncü görüşdə niderlandlı Aniş Qirini məğlub edib. Günün son qarşılaşması kanadalı Erik Hansen ilə olub. Bu oyunda tərəflər bərabərliyə razılaşıblar.
4 oyundan sonra 7 xal toplayan Şəhriyar Məmmədyarov mükafat fondu 150 min dollar olan yarışın turnir cədvəlinin 2-ci pilləsində qərarlaşıb.
