Sumqayıtlı şahmatçı "Norway Chess" turnirində növbəti görüşünü keçirib. Bu haqda 2 iyun tarixində Sumqayıt24 xəbər verir.
Norveçin Stavanger şəhərində baş tutan yarışın 3-cü turunda Şəhriyar Məmmədyarov hindistanlı Qukeş Dommaraku ilə üz-üzə gəlib. Ağ fiqurlarla oynayan qrosmeyster 31-ci gedişdə sülhə razılaşıb. Görüş heç-heçə ilə başa çatdığından armageddon oynanılıb və təmsilçisimiz 55-ci gedişdə rəqibinə məğlub olub.
Hazırda Məmmədyarov 2,5 xalla 9-cu pillədə qərarlaşıb.
