Sumqayıtlı qrosmeyster Şəhriyar Məmmədyarov qızlar arasında şahmat turnirinə qonaq qismində qatılıb. Bu haqda 17 aprel tarixində Sumqayıt24 Azərbaycan Şahmat Federasiyasına (AŞF) istinadən xəbər verir.
Ümummilli lider Heydər Əliyevin 100 illik yubileyinə həsr olunan yarış Xaçmazda keçirilib. Tədbirdə Şəhriyar Məmmədyarovla yanaşı, beynəlxalq qrosmeyster Zeynəb Məmmədyarova, Xaçmaz rayon İcra hakimiyyətinin başçısının birinci müavini Anar Oruclu, AŞF-nin Qadın və Sosial Komissiyasının rəhbəri, eləcə də YAP rayon təşkilatının sədri Məhəmməd Balaqadaşov iştirak ediblər.
Xaçmaz təmsilçisi olan komanda turnirdə birinci yerə layiq görülüb.
