Sumqayıt şəhərində “Sağlam həyat günü” adlı idman tədbiri keçiriləcək. Bu haqda 3 avqust tarixində şəhər Gənclər və İdman Baş İdarəsinə istinadən məlumat veririk.
“İdman hamı üçün” layihəsi çərçivəsində təşkil olunacaq tədbir avqustun 7-si baş tutacaq. Sumqayıt bulvarı ərazisində yerləşən açıq tipli idman qurğusunda saat 09:00-dan 10:00-dək davam edəcək tədbirdə hər kəs iştirak edə bilər.
Kütləvi idman tədbirinin təşkilində əsas məqsəd əhali, xüsusən də uşaq və gənclər arasında idmana marağın artırılması, sağlam həyat tərzinin təbliğidir.
