“Sumqayıt”ın baş məşqçisi “Kəpəz”lə səfər oyununda ikiqat yubileyə sevinib. Sumqayıt24 bu haqda Peşəkar Futbol Liqasına (PFL) istinadən xəbər verir.
“Kəpəz” üzərində qazanılan 1:0 hesablı qələbə 45 yaşlı Samir Abasovun Premyer Liqadakı 75-ci uğuru olub. O, bunu 190-cı matçında gerçəkləşdirib. Abasovun rəhbərliyi altında “Sumqayıt” 36, “Neftçi” 31, “Zirə” 8 dəfə rəqiblərini məğlub edib. O, Azərbaycan çempionatları tarixində 75 və daha çox qələbə qazanan 14-cü məşqçidir.
Həmçinin Samir Abasovun rəhbərliyi altında 122-ci oyuna çıxan “Sumqayıt” 40-cı dəfə qalib gəlib.
