Sumqayıt Dövlət Universitetinin 60 illik yubileyi ilə əlaqədar keçirilən minifutbol üzrə ölkə çempionatı başa çatıb. Sumqayıt24 bu barədə 21 dekabr tarixində xəbər verir.
Ali təhsil müəssisələrinin tələbələri arasında minifutbol üzrə ölkə çempionatında 16 komanda iştirak edib. Turnirin final qarşılaşmasında Azərbaycan Dövlət Bədən Tərbiyəsi və İdman Akademiyası ilə Bakı Dövlət Universitetinin tələbələri qarşılaşıblar. Gərgin idman mübarizəsi şəraitində keçən oyunda Azərbaycan Dövlət Bədən Tərbiyəsi və İdman Akademiyasının komandası 2:1 hesabı ilə qalib gəlib. Yarışın sonunda mükafatlandırma mərasimi keçirilib. Yarışın ən yaxşı qapıçısı, ən yaxşı müdafiəçisi və ən yaxşı hücumçusu nominasiyaları üzrə qaliblərə mükafatlar təqdim olunub.
