"Araz-Naxçıvan"ı qəbul edəcək "Sumqayıt"ın baş məşqçisi Saşa İliç əsas futbolçularından birini Naxçıvan təmsilçisinə qarşı oynada bilməyəcək.
Fanat.az-ın məlumatına görə, bu, komandanın kapitanı Səbuhi Abdullazadədir. Səbuhi ötən tur "Zirə" ilə səfər oyununda (0:1) 4-cü sarı vərəqəni alaraq cəzalı duruma düşüb.
Qeyd edək ki, Premyer Liqanın 10-cu turunun bu matçı noyabrın 2-də Mehdi Hüseynzadə adına Sumqayıt şəhər stadionunda keçiriləcək. Oyunun start fiti saat 18:30-da səsləndiriləcək.
