“Sumqayıt” öz heyətini Şimali Makedoniya millisinin üzvü ilə gücləndirib. Sumqayıt24 bu haqda 11 avqust tarixində klubun rəsmi saytına istinadən xəbər verir.
Belə ki, 23 yaşlı Todor Todoroski ötən mövsümü Slovakiyanın yüksək liqa təmsilçisi “Sered”-də keçirib. Cinah müdafiəçisi ilə “kimyaçılar” arasında 2 illik müqavilə imzalanıb. O,12 nömrəli formada çıxış edəcək.
Qeyd edək ki, Todor Todoroski karyerası ərzində Şimali Makedoniyanın “Vardar”, Xorvatiyanın “Osiyek”, “Sibernik” və Serbiyanın “Radniçki” klublarında oynayıb. Hazırda Şimali Makedoniyanın əsas yığmasının şərəfini qoruyan futbolçu həmçinin U-17, U-18, U-19, U-20 və U-21 milli komandalarına da cəlb olunub.
