Sumqayıtlı tennisçilər ölkə çempionatına qatılacaq. Sumqayıt24 bu haqda Stolüstü Tennis Federasiyasının saytına istinadən xəbər verir.
Adıçəkilən federasiyanın və Gənclər və İdman Nazirliyinin təşkil etdiyi yarış, fevralın 16-dan 19-dək "Şüa" İdman-Sağlamlıq Kompleksində keçiriləcək. İdmançılar komanda, şəxsi, qoşa və qarışıq qoşa yarışlarda qüvvələrini sınayacaq.
Böyüklər arasında keçiriləcək çempionatda Sumqayıtla yanaşı, Bakı, Şəki, Qax, Balakən, Gəncə, Qusar, Salyan, Şabran, Şirvan və Gədəbəydən olan tennisçilərin də iştirakı gözlənilir.
