Sumqayıtda keçirilən stolüstü tennis üzrə respublika turniri başa çatıb. Sumqayıt24 bu barədə 31 oktyabr tarixində Azərtac-a istinadən xəbər verir.
8 Noyabr - Zəfər Gününə həsr olunan yarışa Bakı, Sumqayıt, Şəki və Şabran idmançıları qatılıblar.
İki gün davam edən yarışın nəticələrinə əsasən, oğlanların turnirində mükafatlara Şabran təmsilçiləri layiq görülüblər.
Vaqif Babayev 1-ci, Zərbah Muradov 2-ci, Həsrət Kamilov ilə Yasin Zeyni 3-cü yeri tutublar.
Final görüşündə Rüqəyya Qasımzadəni (Sumqayıt) məğlub edən Xədicə Babazadə (Şəki) qızlar arasında baş mükafata sahib çıxıb. Peykər Vəlizadə (Sumqayıt) ilə Sofiya Trofimenko (Sumqayıt) üçüncü yerdə qərarlaşıblar.
Turnirin mükafatçılarına Azərbaycan Stolüstü Tennis Federasiyasının diplom, medal və hədiyyələri təqdim olunub.
