Sumqayıtda 10-cu mikrorayonda yerləşən "Kontakt Home" mağazalar şəbəkəsinin "Sumqayıt" mağazasında "Sumqayıt" FK, "Kontakt Home" və EML ilə birgə PlayStation turniri təşkil olunacaq.
13 sentyabr tarixində keçiriləcək turnirdə, 10-12 sentyabr tarixlərində "Kontakt Home"un Sumqayıtda yerləşən mağazalarından alış-veriş edən 13 yaşdan yuxarı hər kəs iştirak edə bilər.
Finala yüksələn 3 iştirakçı 14 sentyabr tarixində "Sumqayıt" FK-nun futbolçuları - Rüfət Abdullazadə, Süleyman Əhmədov və Səbuhi Abdullazadə ilə həlledici oyunda üz-üzə gələcək.
1-ci yeri tutana "Kontakt Home"-dan 150 manatlıq, 2-ci yeri tutana 100, 3-cü yeri isə tutana 50 manatlıq hədiyyə kartı təqdim olunacaq. İştirakçılara "Sumqayıt" FK-nun imzalı top və forması, həmçinin müxtəlif hədiyyələr veriləcək.
