Sumqayıtlı şahmatçı Şəhriyar Məmmədyarov növbəti turnirə qatılıb. O, bu dəfə "Champions Chess Tour" onlayn seriyasının sonuncu mərhələsi "Aimchess USRapid" turnirində öz gücünü sınayacaq.
Məmmədyarov bu gün, 28 avqust tarixində 1-ci turda fransalı Maksim Vaşe-Laqrav ilə, 2-ci turda amerikalı Leyner Dominqes, 3-cü turda polşalı Yan Kşiştov Duda ilə və son iki turda isə rusiyalı Vladislav Artemiyev və niderlandlı Aniş Giri ilə yarışacaq.
16 şahmatçı iştirak edəcək turnir 5 sentyabradək davam edəcək və yarışın mükafat fondu 100 min ABŞ dollara bərabərdir.
Mükafat fondu 300 min ABŞ dolları olacaq "Champions Chess Tour"un final mərhələsinə isə 25 sentyabr start veriləcək.
