"Sumqayıt"ın əvəzedici komandasına baş məşqçi təyin olunub. Sumqayıt24 bu haqda 22 aprel tarixində xəbər verir.
Bunadək U-19 kollektivinə rəhbərlik edən Vaqif Cavadov "Sumqayıt-2"nin sükanı arxasına keçib. Məşhur mütəxəssislə növbəti mövsümün sonuna qədər müqavilə imzalanıb.
Qeyd edək ki, Cavadov 2016-cı ildə futbolçu kimi "Sumqayıt"ın heyətində 29 oyun keçirib, 6 qol vurub. U-19 komandasının baş məşqçisi postunda isə 27 oyunda 14 qələbə, 4 heç-heçə və 9 məğlubiyyət əldə edib.
