"Sumqayıt" futbol klubunun qış hazırlıq planında dəyişiklik olub.
Sportinfo.az-ın məlumatına görə, "Gənclik şəhəri" təmsilçisi toplanışa əvvəlcədən elan olunduğu kimi yanvarın 5-dən etibarən deyil, bu gün, 6 yanvar tarixindən start verəcək.
Baş məşqçi Vaqif Cavadov əcnəbi furbolçulara görə qərarını dəyişib. Belə ki, srağagün axşam Azərbaycana qayıdan legionerlərin yol yorğunluğu fonunda 1 gün sonra məşqə çıxmaları məqbul sayılmayıb. Bu səbəbdən bütün heyətə daha bir gün əlavə istirahət verilib.
Xatırladaq ki, gənc mütəxəssisin rəhbərlik etdiyi kollektiv hazırlıq prosesini Sumqayıt şəhərində keçəcək. Komanda yoxlama görüşündə "Araz-Naxçıvan"la üz-üzə gələcək.
Qarşılaşma 9 yanvar saat 15:00-da "Kapital Bank Arena"da baş tutacaq.
