“Sumqayıt” klubunun baş məşqçisi Vaqif Cavadov MOİK-ə qarşı oyunundan sonra baş tutan mətbuat konfransında fikirlərini bölüşüb.
Sumqayit24.az xəbər verir ki, gənc mütəxəssis gərgin oyun izlədiklərini bildirib:
"Bir az gərgin oyun oldu. Baxmayaraq ki, кəqibin bir sıra baxımlı hücumları olsa da, qarşılaşmada 120 dəqiqə ərzində üstün tərəf biz idik. Komandam sonadək öz gücünü göstərdi. MOİK-ə də qarşıdakı oyunlarda uğurlar arzulayıram. Qəzənfər Abbasov gözəl komanda formalaşdırıb. Futbolçularımı təbrik edirəm. Yolumuza inamla davam edəcəyik", - deyə mütəxəssis əlavə edib.
Qeyd edək ki, Mehdi Hüseynzadə adına stadionda keçirilən oyun meydan sahiblərinin 3:1 hesablı qələbəsi ilə yekunlaşıb.
